काठमाडाैं । चन्द्रागिरि नगरपालिकाले आफ्ना नगरवासीका लागि प्राथमिक अस्पताल थानकोटबाट डेंगी रोगको निःशुल्क परीक्षण गर्ने व्यवस्था मिलाएको छ ।

चनपा–४ स्थित सो अस्पतालबाट अहिले दैनिक सो रोगको निःशुल्क परीक्षण तथा उपचार समेत भइरहेको छ ।

नगरप्रमुख घनश्याम गिरीले नगरवासीको स्वास्थ्यलाई उच्च प्राथमिकता दिई नगरवासीलाई डेंगी रोगको निःशुल्क परीक्षणको व्यवस्था मिलाएको जानकारी दिए ।

अस्पतालका प्रमुख डा हेमनाथ आचार्यले डेंगी रोगको निःशुल्क परीक्षण तथा उपचार भइराखेको जानकारी दिए ।