काठमाडौं । पछिल्लो २४ घण्टामा थप ५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ३०२४ जनाको नमूना परीक्षण गर्दा ५१ जनामा संक्रमण देखिएको हो ।

१२०६ को पिसीआर परीक्षणबाट ४० जना र १८१८ को एन्टीजेन परीक्षणबाट ११ जनामा संक्रमण पुष्टि भएको हो ।

यसैगरी, हाल नेपालमा १२ सय २३ जना संक्रिय संक्रमित रहेको मन्त्रालयले जनाएको छ ।

हालसम्म नेपालमा कोरोना संक्रमणका कारण १२ हजार १७ जनाले ज्यान गुमाइसकेका छन् ।