रौतहट । नेकपा एकीकृत समाजवादीका अध्यक्ष माधवकुमार नेपालले सत्तारुढ गठबन्धन दलहरुबीच सिट बाँडफाँटमा १० प्रतिशत मात्रै समस्या रहेको बताएका छन् ।

शनिवार रौतहटमा आयोजित कार्यक्रममा सहभागी आएका अध्यक्ष नेपालले सिमरा विमानस्थलमा यस्तो बताएका हुन् ।

उनले दलहरुबीच सिट बाँडफाँटमा टुंगो लागिसकेको बताए। नेपालले भने, ‘१० देखि बढीमा २० प्रतिशत मात्रै टुंगो लगाउन बाँकी छ, त्यो पनि आज भोलिसम्म सहमति भइहाल्छ ।’

मंसिर ४ गते हुने प्रतिनिधि तथा प्रदेश सभा सदस्य निर्वाचनमा आफूलाई सबैतिरबाट चाप, दवाव र तानातान भएकोले जस्ले बढी तान्न सक्छ सोही क्षेत्रबाट चुनाव लड्ने नेपालले बताए ।