काठमाडौँ ।  आईतवार बेलुका  थप ४३ जनामा कोरोना संक्रमण पुष्टि भएको छ ।

दैलेखमा २४ र जुम्लामा १९ जना संक्रमित गरेर ४३ जनामा कोरोना पोजेटिभ पुष्टि भएको कर्णाली स्वास्थ्य विज्ञान प्रतिष्ठानले जनाएको छ ।

योसहित कर्णाली प्रदेशमा संक्रमितको संख्या ९४ पुगेको छ भने नेपालमा संक्रमितको संख्या १ हजार ६ सय १० पुगेको छ ।

स्वास्थ्य तथा जनसंख्या मन्त्रालयका प्रवक्ता डा.विकास देवकोटाका अनुसार पछिल्लो २४ घन्टामा गरिएको परीक्षणमा १६२ जना पुरुष र ४ महिलामा कोरोना पोजेटिभ देखिएको थियो।

नेपालमा हालसम्म संक्रमितमध्ये २२० जना उपचारपछि निको भएका छन्। कोरोनाका कारण अहिलेसम्म८ जनाको मृत्यु भएको छ।