काठमाडौं । गृहसचिव विनोद प्रकाश सिंहले पदभार ग्रहण गरेका छन् ।

आइतबार गृह मन्त्रालयमा आयोजित एक कार्यक्रममा सिंहले गृहसचिवको पदभार ग्रहण गरेका हुन् । गत साता सरकारले उनलाई गृहमा सरुवा गरेको थियो ।

त्यस्तै, गृहमा कार्यरत टेकनारायण पाण्डेलाई उपराष्ट्रपति कार्यालयमा पठाइएको छ ।

यसअघि उनको प्रधानमन्त्री कार्यालयमा सरुवा गरिएको थियो । उता, उपराष्ट्रपति कार्यालयमा कार्यरत हरिप्रसाद मैनालीलाई महालेखा नियन्त्रकका रुपमा सरुवा गरिएको छ ।