कैलाली । कैलालीमा प्रहरीले भन्सार छलेर ल्याइएको २२ बोरा चिनी बरामद गरेको छ ।

जिल्लाको धनगढी उपमहानगरपालिका–९ बाङग्राकटानबाट बुधबार राति ९ बजे २२ बोरा चिनी र ३ पेटी चक्लेट बरामद गरिएको हो ।

जिल्ला प्रहरी कार्यालय कैलालीका अनुसाम उक्त सामान सोही ठाउँ बस्ने ४९ वर्षीय भानबहादुर ठकुल्लाले सु.प.प्र.०१–००१स ४९३१ नम्बरको अटोमा ल्याइरहेको अवस्थामा फेला पारी बरामद गरिएको हो ।

उक्त अटो, अटो चालक र बरामद भएको सामान नियन्त्रणमा लिएर आवश्यक कारबाहीका लागि जिल्ला भन्सार कार्यालय पठाइएको प्रहरीले जनाएको छ ।