काभ्रे । काभ्रेमा पहिरोले घर पुरिँदा एकै परिवारका तीन जनाको मृत्यु भएको छ ।

जिल्लाको बेथानचोक गाउँपालिका ४, गणेशथान चलालमा गएराति पहिरो जाँदा तीनजनाको मृत्यु भएको हो ।

बिहान साढे ३ बजे घरमाथिको ढुङ्गा खानीबाट खसेको पहिरोले घर पुरिँदा ४४ वर्षका निरबहादुर तामाङ, ४० वर्षकी सावित्री तामाङ र ६५ वर्षिया लुदुलुङ तामाङ (ठूलीमाया) को ज्यान गएको जिल्ला प्रहरी कार्यालय काभ्रेले जनाएको छ ।

सावित्री र मीरबहादुरको घटनास्थलमा र लुदुलुङको उपचारका क्रममा अस्पतालमा मृत्यु भएको हो ।