काठमाडौं – अमेरिकी टेलिभिजन नेटवर्क सिएनएनका एक पत्रकार पक्राउ परेका छन्। पत्रकार ओमार जिमिनेजलाई प्रहरीले लाइभ रिपोर्टिङकै क्रममा पक्राउ गरेको हाे ।

मिनियापोलसमा भइरहेको प्रदर्शनको समाचार सम्प्रेषण गरिरहेका बेला उनलाई पक्राउ गरिएको अन्तराष्ट्रिय सञ्चारमाध्यमहरूले जनाएका छन्।

जर्ज फ्लोइड नाम गरेका अश्वेत व्यक्तिको प्रहरी हिरासतमै निधन भएपछि मिनियापोलससहित अमेरिकाका विभिन्न स्थानमा विरोध प्रदर्शन भइरहेका बेला लाइभ रिपोर्टिङ गरिरहेका सिएनएनका पत्रकार जिमिनेजलाई प्रहरीले पक्राउ गरेको हो ।

स्थानीय समय अनुसार शुक्रबार बिहान टेलिभिजनमा प्रत्यक्ष प्रसारण गरिरहेका पत्रकार जिमिनेजलाई पक्राउ गरिएको केहीबेरपछि छाडिएको थियो ।