घोराही । नेकपा माओवादीका नेता पर्शुनारायण श्रेष्ठ ‘दिनेश’ एमालेमा प्रवेश गरेका छन् ।

मंसिर ४ गतेको आम चुनावका लागि उनलाई प्रतिनिधिसभाको समानुपातिकतर्फ आदिवासी जनजाति कोटाबाट एकलरूपमा सिफारिस गरिएको थियो ।

श्रेष्ठलाई नेकपा एमालेका महासचिव शंकर पोखरेलले पार्टीमा स्वागत गरेका छन् ।

नेकपा एमाले दाङ क्षेत्र नम्बर २ का प्रदेश इञ्चार्ज शिवकुमार आचार्य, लुम्बिनी प्रदेशका सहइञ्चार्ज जीवन गौतम, एमाले नेता प्रमोद शर्माको उपस्थितिमा उनी एमालेमा प्रवेश गरेका हुन् ।