काठमाडौँ । वैदेशिक रोजगारीमा मलेसिया पुगेका धनुषाका सुरजदेव साह तेलीको मृत्युदण्ड सजाय परिवर्तन भएको छ ।

उनी कर्तव्य ज्यान अभियोगमा सन् २०१६ डिसेम्बरमा पक्राउ परेका थिए ।

मृत्युदण्डको सजाय परिवर्तन गरी १२ वर्षको जेल सजाय कायम गरेको मलेसियास्थित नेपाली दूतावासले जनाएको छ । मृत्युदण्ड सजाय सम्बन्धमा पुनरावेदन पुगेका साहको सजाय बिहीबार परिवर्तन भएको हो ।

इपो उच्च अदालतले सन् सन् २०२० अगष्टमा मलेसियाको फौजदारी संहिताको दफा ३०२ बमोजिम मृत्युदण्डको सजाय तोकेको थियो।

सो फैसला र मृत्युदण्ड सजाय सम्बन्धमा गरिएको पुनरावेदनमा पुत्रजयास्थित पुनरावेदन अदालतले सजाय परिवर्तन गरेको मलेसियास्थित नेपाली राजदूतावासले जनाएको छ।