धनगढी । धनगढी विमानस्थलमा प्रहरीबाट एक युवक कुटिएका छन् । विमानस्थलको सुरक्षामा खटिएका प्रहरीबाट कञ्चनपुरको बेल्डाडीका नरेश गिरी कुटिएका हुन् ।

प्रहरी वरिष्ठ हवल्दार कृष्णबहादुर पाण्डेयको टोलीले आफूमाथि आक्रमण गरेको उनले बताए।

उनका अनुसार प्रहरीले विमानस्थलको काउन्टरबाट घिसारेर उनलाई त्यहाँका प्रहरी इन्चार्ज सईको कार्यालयभित्र चुकुल लगाएर ४ जना प्रहरीहरुले निर्घात कुटपिट गरेको आरोप लगाएका छन्।

उनले प्रहरीले कुटेर आँखामा चोट लागेको बताएका छन्।

विमानस्थलमा पुगेर उनले चेकजाँच गराए। चेकजाँचको क्रममा उनीसँग नगद ५ लाख भेटियो। त्यसपछि प्रहरीले जहाजमा सुरक्षाका हिसाबले एक लाखभन्दा बढी रकम लैजान नमिल्ने बताएको थियो ।