मोरङ । मोरङमा प्रहरीले चोरी गर्ने गिरोहलाई पक्राउ गरेको छ ।

जिल्लाको धनपालथान गाउँपालिकाबाट रंगेली प्रहरीको विशेष टोली तथा स्थानीयहरूको सहयोगमा उनीहरूलाई पक्राउ गरिएको हो । भेटेनरी पढ्दै गरेका विधार्थीहरू नै चोरीमा संलग्न रहेको प्रहरी अनुसन्धानबाट खुलेको छ ।

इलाका प्रहरी कार्यलय रंगेलीका अनुसार पक्राउ पर्नेमा सप्तरी हनुमान नगर कंकालिनी नगरपालिका ५ घर भई हाल शैलजा आचार्य, २२ को सतिश यादव, जहदा ४ हटोया बस्ने वर्ष १९ को मुकेश महतो र अर्का एकजना रहेका छन् । आचार्य स्मृति पोलिटेक्निक जहदामा अध्ययन गर्ने विद्यार्थीहरू रहेका छन् ।

कलेजमा कृषि तथा भेटनरी विषय पढ्ने विद्यार्थीहरूले गिरोह नै बनाएर चोरी गर्ने गरेको प्रहरीको दाबी छ । धानपालथान ७ कदमाह घर भएका प्रमानन्द यादव को ८ प १०६६ नम्बरको मोटरसाइकल गत मंगलबार राति घरमा राखिएको अवस्थामा चोरी भएको थियो । उनीहरूविरुद्ध चोरी मुद्दामा थप अनुसन्धान भइरहेको प्रहरीले जनाएको छ ।