एजेन्सी । रुसी सेनाको कब्जामा रहेको खर्सोन क्षेत्रलाई पुनः आफ्नो नियन्त्रणमा ल्याउन युक्रेनी सेना अघि बढेको छ । युक्रेनले खर्सोन क्षेत्रलाई पुनः आफ्नो नियन्त्रणमा ल्याउन खोजेपछि त्यस क्षेत्रमा भीषण संघर्ष जारी छ ।

रुसी सेनाको एउटा सुरक्षा घेरा तोडेको दवी गरेको युक्रेनले आफ्नो सेना २४ घण्टा आक्रमणमा खटिएको बताएको हो ।

रुसी सेनाका अखडाहरु तथा खर्सोन शहर प्रवेश गर्ने पुलहरुमा युक्रेनी सेनाले आक्रमण तीब्र बनाएको बताइएको छ ।अमेरिकाले उपलब्ध गराएको हिमार्स रकेटको सहयोगमा युक्रेनी सेनाले आक्रमण गरिरहेको हो ।

तर रुसले भने युक्रेनी दावी अस्वीकार गर्दै युक्रेनी सेना जमिनको लडाईबाटपछि हटिसकेको र युक्रेनी सेनामा ठूलो क्षति भएको दावी गरेको छ ।