काठमाडौं । अभिनेता सौगात मल्ल र अभिनेत्री सृष्टि श्रेष्ठको मुख्य अभिनय रहेको फिल्म ‘द सिक्रेट्स अफ राधा’ को प्रदर्शन मंगलबारदेखि रोकिने भएको छ ।

निर्माण युनिटले फिल्मको शोमाथि राजनीति भएको भन्दै फिल्म शो रोक्न लागेको हो । ललितपुरमा मंगलबार आकस्मिक पत्रकार सम्मेलन गर्दै फिल्म निर्माताले प्रदर्शनबाट पछि हटेको जानकारी दिए ।

फिल्म गत शुक्रबारदेखि प्रदर्शनमा आएको हो । फिल्मकी निर्माता देवकी विष्टले फिल्मको शो माथि राजनीति भएको र फिल्मको विषयमा नकारात्मक र भ्रामक समाचार फैलाएको कारण फिल्मको प्रदर्शन रोक्न लागेको बताइन् ।