एजेन्सी । स्वीडेनको तटीय क्षेत्रमा सोमबार ३०० जना सवार एउटा पानीजहाजमा आगलागी भएको छ ।

स्वीडेनको सामुद्रिक अधिकारीहरूका अनुसार जहाजको डेकमा आगो लागेको हो ।

उद्धारका लागि तीन वटा हेलिकप्टर र सात वटा जहाज घटनास्थलमा पठाइएको स्वीडेनको समुद्री प्रशासन कार्यालयका प्रवक्ता जोनास फ्रान्जेनले जानकारी दिए ।

जहाजलाई खाली गर्ने काम सुरु गरिएको उनले बताए । आगलागीबाट तत्काल कुनै क्षति भएको खबर प्राप्त भएको छैन भने आगलागीको कारण भने खुल्न सकेको छैन ।