काठमाडौं । केन्या भ्रमणमा रहेको नेपालले आज चौथो टी–२० म्याच खेल्दैछ । नेपाल र केन्याबीचको चौथो खेल पनि नेपाली समयअनुसार अपरान्ह ३ः४५ देखि नैरोबीस्थित जिमखाना मैदानमा सुरु हुनेछ ।

नेपाल आज जित निकाल्दै एक खेल अगावै सिरिज आफ्नो पक्षमा पार्न चाहन्छ । आइतबार भएको खेलमा चार विकेटको जित हात पारेसँगै पाँच खेलको सिरिजमा नेपालले २–१ को अग्रता लिएको छ ।

घरेलु टोली केन्या सिरिजमा कमब्याक गर्न चाहन्छ । सिरिजमा जीवितै रहन उसले आजको खेल जित्नैपर्ने हुन्छ । केन्या पहिलो खेलमा ५ विकेटले पराजित हुँदा दोस्रो टी–२० मा भने १८ रनले विजयी भएको थियो ।

ट्वान्टी–२० अन्तर्राष्ट्रिय शृंखलापछि नेपालले केन्यामा तीन खेलको एकदिवसीय शृंखला खेल्नेछ ।