हेटौडा । जिल्ला प्रहरी कार्यालय मकवानपुरले त्रिभुवन राजपथ अन्तरगत नामटार बाट हेटौडा तर्फ आइरहेको ना ७ ख ३९८७ नं को ट्रक र ना ८ ख नं को ट्रकमा लागु पदार्थ गाजा भेटिएको छ ।

भीमफेदी गाउपालिका वडा नं २ स्थित भैंसेमा रोकी चेकजाच गर्दा ना ७ ख नं को ट्रकमा २५६ केजी अबैध लागु पदार्थ गाजा भेटिएपछी ट्रक चालक भीमफेदी गाउपलिका वडा नं ९ बस्ने बर्ष ३५ को प्रकाश लामालाई पक्राउ गरि नियन्त्रणमा लिएको छ। अर्को ट्रकमा पनि ७५ केजी अवैध गाजा भेटिएको प्रहरीले जनाएको छ ।

जिल्ला प्रहरी कार्यालय मकवानपुरले दिएको जानकारी अनुसार ट्रकहरु चेकजाचको क्रममा अर्को ट्रकको चालक फरार भएको छ। प्रहरीले दुवै ट्रकमा रहेका ३३१ केजी गाजा र चालकलाई नियन्त्रणमा लिई जिल्ला प्रहरी कार्यालय मकवानपुरमा राखिएको छ।

यस सम्बन्धमा प्रहरी थप अनुसन्धान गरिरहेको जानकारी दिएको छ।