काठमाडौं । भारतीय एनिमेटेड सिटकम टीभी शो ‘मोटु पात्लु’ अब नेपाली भाषामा डब भएर प्रसारण हुने भएको छ ।

ग्यालेक्सी फोरके टेलिभिजनले आगामी सोमबारदेखि कार्टुन सिरिजलाई प्रसारण गर्न लागेको हो ।

नेपाली बालबालिकामाझ निकै रुचाइएको यो सिरिज सन् २०१२ देखि भारतमा प्रसारण सुरु भएको हो । टीभी शो हरेक सोमबार, बुधबार र शुक्रबार साँझ साढे ६ बजे प्रसारण हुने जनाइएको छ ।

नेपाली बालदर्शकले पहिलेदेखि नै यो कार्यक्रम हिन्दी भाषामै हेर्दै आएका थिए । व्यंग्य र कटाक्ष जनरामा राखिएको यो कार्यक्रमलाई कसमस माया स्टुडियोज् र भायकम-१८ ले निर्माण गरेका हुन् ।