काठमाडौं । फिल्म निर्देशक तथा चर्चित डान्स कोरियोग्राफर रेनशा राईले जुम्ल्याहा बच्चालाई जन्म दिएकी छन् ।

आज बिहान सात बजे नर्भिक अस्पतालमा उनले एक छोरा र एक छोरीलाई जन्म दिएको उनका पति तथा निर्माता प्रज्वल राणाले जानकारी दिए ।

रेनाशा चर्चित कोरियाग्राफर हुन् । उनले निर्माता प्रज्जवल राणासँग केहि समय अगाडि बिबाह गरेकी थिइन् । उनीहरुले दुई रितिरिवाजबाट विवाह सम्पन्न गरेका थिए ।

रेनाशाको बुद्ध परिवारकी हुन् भने निर्माता प्रज्जवलको हिन्दु परिवारका हुन् । रेनाशाले हिन्दु र बुद्ध रितिरिवाज अनुसार मात्र विवाह गरिनन् उनले भारतिय संस्कृति समेत अपनाएकी थिइन् ।

रेनशा पछिल्लोपटक हिमालय टिभीबाट प्रसारण भएको डान्सिङ स्टार्स नेपालको निर्णायक पनि थिइन् । गर्भवती अवस्थामै समेत उक्त रियालिटी शोमा थिइन् । रेनशा निर्देशित फिल्म ‘आइएम ट्वान्टी वान’ आगामी बैशाखमा प्रदर्शन तयारी छ ।