काठमाडौं । मकवानपुरको मकवानपुरगढी र आसपासमा भारी वर्षा मापन गरिएको छ ।

पछिल्लो तीन घण्टामा मकवानपुरगढी क्षेत्रमा अति भारी वर्षा मापन भएको बाढी पूर्वानुमान विभागले जनाएको छ ।

विभागका अनुसार भारी वर्षाका कारण मकवानपुरको कर्रा खोला, साम्री खोला, बकैया खोलालगायत आसपासका ससाना खोलामा आकस्मिक बहाव बढ्न सक्ने छ ।

सो क्षेत्रका बासिन्दालाई सतर्कता अपनाउन विभागले आग्रह गरेको छ ।