काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले माधव नेपालसहित वामपन्थीहरू मिलेर पार्टी एकताको तयारी भइरहेको बताएका छन् ।

मंगलबार पेरिसडाँडामा पत्रकारसँगको संक्षिप्त कुराकानीका क्रममा प्रचण्डले एकताका लागि पार्टी एकता संयोजन समिति गठन गर्ने तयारी गरिएको पनि बताएका हुन् ।

उनले पार्टीको नाम नेपाल कम्युनिस्ट पार्टी नै रहने उनको भनाई छ । नेकपा पछाडि समाजवादी रहनसक्ने उनले जानकारी दिए ।

उनले भने, ‘हामी अरु पनि वामपन्थीहरुसँग जस्तो माधवजीहरुसँग पार्टी एकता संयोजन समिति बनाउने तयारीमा छौं ।’

नेपाल समाजवादी पार्टीका अध्यक्षद्वय बाबुराम भट्टराई, महिन्द्रराय यादवसँग र नेकपा एकता राष्ट्रिय अभियानका अध्यक्ष वामदेव गौतमले आउँदो आमनिर्वाचनमा माओवादी केन्द्रको चुनाव चह्नबाट चुनावमा प्रतिस्पर्धा गर्ने सहमति बनिकसेको छ ।

नेसपा र माओवादीबीच एकै चुनाव चिह्नमा चुनाव लड्ने सहमतिबारे मंगलबार निर्वाचन आयोगमा जानकारी गराएपछि दुई पार्टीका शीर्ष नेताबीच पेरिसडाँडामा वार्ता भएको छ ।