प्युठान । प्यूठानमा भएको सवारी दुर्घटनामा दुई जनाको मृत्यु भएको छ । नौबहिनी गाउँपालिका– ६ मा आइतबार दिउँसो भएको जीप दुर्घटनामा एकै घरका दुई बालिकाको मृत्यु भएको हो ।

दुर्घटनामा सानो डाम्री निवासी तीन वर्षिया करुणा बुढामगर र दुई महिनाकी चेतना बुढामगरको मृत्यु भएको प्रहरीले जनाएको छ । उनीहरूको उपचारको क्रममा प्यूठान अस्पतालमा मृत्यु भएको हो ।

आइतबार बाग्दुलाबाट डाम्रीतर्फ जाँदै गरेको लु १ ज १५४५ नम्वरको जीप दुर्घटना भएको थियो । मृतककी आमा रेमसरा बुढामगर र बुढा हुम बहादुर बुढामगर गम्भीर घाइते छन् ।

दुर्घटनामा परी १४ जना घाइते भएका छन् । उनीहरूको प्यूठान अस्पतालमा उपचार भइरहेको जिल्ला प्रहरी कार्यालय प्यूठानले जनाएको छ ।