एजेन्सी । विश्वविख्यात लेखक सलमान रुस्दीको आक्रमणकारीलाई न्यूयोर्क प्रहरीले फक्राउ गरेको छ ।

विवादास्पद पुस्तक ‘द सैटानिक भर्सेस’का लेखकका कारण मृत्युदण्डको खतरा भोग्दै आएका सलमान रुस्दीलाई न्यूयोर्कको एउटा कार्यक्रममा स्टेजमै आक्रमण भएको थियो । उनको आक्रमणकारीलाई तत्काल नियन्त्रणमा लिएको प्रहरीले जनाएको छ ।

चाटाउक्वा प्रतिष्ठानमा आयोजित एउटा कार्यक्रममा बोलिरहेको अवस्थामा बुकर पुरस्कार विजेता ७५ वर्षीय रुस्दीमाथि अचानक आक्रमण भएको हो ।

न्यूयोर्क राज्य प्रहरीले एकजना पुरुषले दौडेर स्टेजमा गइ रुस्दी र एकजना अन्तर्वार्ताकारमाथि आक्रमण गरेको बताएको छ ।

रुस्दीको घाँटीमा छुरा प्रहारबाट चोट लागेको छ । उनलाई तत्काल हेलिकोप्टरमा राखेर अस्पताल पुर्‍याइएको थियो । उनको स्वास्थ्य स्थिति अझै अज्ञात रहेको छ ।