काठमाडौं । गत आर्थिक वर्ष २०७८/७९ मा विदेशबाट नेपालमा ८ करोड ७८ लाख रुपैयाँ बराबरको हुक्का फ्लेवर भित्रिएको छ ।

भन्सार विभागले सार्वजनिक गरेको तथ्यांकअनुसार गत वर्ष उक्त मूल्यको हुक्का फ्लेवर भित्रिएको हो ।

विभागका अनुसार १ लाख २३२ किलो हुक्काको फ्लेवर भित्रिएको छ । यसबापत आयातकर्ताले १९ करोड ४२ हजार रुपैयाँ भन्सार राजश्व तिरेका छन् ।

नेपालमा विश्वका ६ वटा हुक्का भित्रिने गरेको छ । तीमध्ये, भारतबाट सबैभन्दा धेरै ७ करोड ९३ लाख रुपैयाँ बराबरको हुक्का फ्लेवर आयात भएको छ ।

यस्तै, जोर्डनबाट ७७ लाखको, चीनबाट ३ लाखको र अमेरिकाबाट २ लाखको फ्लेवर आयात भएको विभागले जानकारी दिएको छ ।