काठमाडौं । कास्कीको पोखरा महानगरपालिका वडा नम्बर १७ बिरौटास्थित एनआईसी एशिया बैंकको एटीएम मेसिन फोडेर चोरी गर्न खोज्ने एकजनालाई प्रहरीले पक्राउ गरेको छ ।

पक्राउ पर्नेमा पर्वत जिल्लाको कुश्मा नगरपालिका वडा नम्बर ३ बस्ने २३ बर्षीय कृष्ण बहादुर बि.क रहेका छन् ।

एटीएम मेसिन फोडेर नगद रुपैयाँ चोरी हुँदै गरेको सूचना प्राप्त भए पश्चात् तत्काल प्रहरी टोली परिचालन गरेर कृष्णलाई जिल्ला प्रहरी कार्यालय कास्कीले जनाएको छ ।

उनलाई एटीएम मेसिन फोड्दै गरेको अवस्थामा पक्राउ गरिएको डीएसपी सुन्दर तिवारीले जानकारी दिए । उनलाई जिल्ला अदालत कास्कीबाट दिन ७ को म्याद थप अनुमति लिई चोरी उद्योग कसूरमा थप अनुसन्धान भइरहेको बताइएको छ ।

उनी यस अगाडि पनि माछापूच्छ्रे बैंकको एटीएम मेसिन फोर्दै गरेको अवस्थामा पक्राउ परेको अनुसन्धाबाट खुलेको छ ।