बाजुरा । जिल्लाको पूर्वी उत्तरी भेगको बूढीनन्दा नगरपालिकामा रहेको कोल्टी प्राथमिक स्वास्थ्य केन्द्रबाट १ र जिल्ला अस्पतालबाट १ गरी २ गर्भवतीको नेपाली सेनाको हेलिकप्टरमार्फत बुधवार उद्धार गरिएको छ ।

बूढीनन्दा–२ कोल्टीकी ३० वर्षीया मनु रेग्मी पाध्याय र जगन्नाथ गाउँपालिका–२ की २२ वर्षीया जेली राईलाई नेपाली सेनाको हेलिकप्टरमार्फत उद्धार गरिएको हो ।

दुवै महिलालाई लामो समयदेखि सुत्केरी व्यथा लागेको भए पनि जिल्लामा सुत्केरी हुन नसकेपछि

राष्ट्रपति महिला उत्थान कार्यक्रममार्फत सेनाको हेलिकप्टरमा सुविधासम्पन्न अस्पतालमा उद्धार गरिएको जिल्ला प्रशासन कार्यालय बाजुराले जनाएको छ ।