काठमाडौं । नेपाली मौलिक लोक दोहोरी गीत संगीतमा आफ्नो छुटटै पहिचान बनाउन सफल गायक राजु विरही र गायिका लक्ष्मी परियारको आवाजमा रहेको ‘घासैँ खरुको’ गीतको भिडियो सार्वजनिक भएको छ ।

प्रेमी प्रेमीका विचको भावनात्मक प्रेमलाई समेटिएको उक्त म्युजिक भिडियोमा गायकले आफ्नी मायालुको यादलाई सम्झाएका छन् ।

गीतमा आशिष लामाको शब्द तथा राजु विरहीको लय सिर्जना रहेको छ । निकै आकर्षक रुपमा तयार पारिएको गीतको भिडियोमा नेपालको विभिन्न रमणिय ठाउँहरुलाई देखाइएको छ । गीत सन्जय श्रीपालले एरेन्ज गरेका हुन् भने मरुभुमी नारायणको छायाँकन, रोशन धितालको सम्पादन तथा राजु विरहीको निर्देशन रहेको छ । गीतको भिडियोमा भने राजु र रोशनीको अभिनय रहेको छ ।