झापा । नेपाली कांग्रेसमा महामन्त्री विश्वप्रकाश शर्माले गगन थापालाई भावी प्रधानमन्त्रीका रूपमा प्रस्ताव र समर्थन गर्न हिचकिचाउनु पर्ने कुनै कारण नरहेको बताएका छन् ।

झापाको धुलाबारीमा आयोजित कार्यकर्ता भेलामा बोल्दै महामन्त्री शर्माले भने यस्तो बताएका हुन् । ५० वर्षभन्दा कम उमेरका नेता प्रधानमन्त्री बनेको कांग्रेसको इतिहास छ। गगनलाई आफूले भावी प्रधानमन्त्रीका लागि समर्थन गर्नु अनौठो नभएको उनले प्रस्टाए।

कांग्रेसमा गगन मात्र होइन थुप्रै नेता प्रधानमन्त्रीका लागि योग्य र सक्षम भएको शर्माले बताए।

महामन्त्री शर्माले नेता शेखर कोइरालालाई भावी प्रधानमन्त्रीका रूपमा प्रस्ताव गरेर अगाडि जाँदा पार्टीलाई हित हुन्छ भने कसैले असहज मान्न नहुनेमा जोड समेत दिए।