कैलाली । कैलालीको सैनिक आवासीय विद्यालयमा विद्यार्थी मृत फेला परेका छन् ।

जिल्लाको गोदावरी नगरपालिकास्थित तेघरीको सैनिक आवासीय विद्यालयमा अध्ययनरत छात्रा भिमानी बिष्ट मृत फेला परेकी हुन् ।

प्रहरीका अनुसार गोदावरी नगरपालिका–१ की कक्षा १० मा अध्ययनरत बिष्टको शव शुक्रबार साँझ होस्टेलकै कोठामा भेटिए हो । उनी सोही विद्यालयको होस्टेलमा बस्दै आएकी थिइन् ।

मृत फेला परेकी बिष्टको शव पोष्टमार्टमका लागि सेती प्रादेशिक अस्पतालमा राखिएको प्रहरीले जनाएको छ । घटनाबारे थप अनुसन्धान भइरहेको बताइएको छ ।