मुस्ताङ । मुस्ताङको वारागुङ मुक्तिक्षेत्र-४ कागबेनीका प्रहरी इन्चार्जलाई करेन्ट लागेको छ । कागबेनीका इन्चार्ज तथा प्रहरी सहायक निरीक्षक राम बहादुर थापालाई शुक्रबार साँझ करेन्ट लागेर गम्भीर घाइते भएका हुन् ।

जिल्ला प्रहरी कार्यालय मुस्ताङका अनुसार लुप्रा पान्डा खोला नजिक खोलाको डाइभर्सन हेर्ने क्रममा करेन्ट लागेर थापा घाइते भएका हुन् ।

पोलमा नाङ्गो तार लत्रिएको र त्यहाँ टाउको ठोक्किएर करेन्ट लागेको हुनसक्ने प्रहरीले अनुमान गरेको छ ।

घाइते थापालाई उपचारका लागि जोमसोम अस्पतालमा ल्याएकोमा अहिले थप उपचारका लागि पोखरा लैजाने तयारी भइरहेको मुस्ताङ प्रहरीले जनाएको छ ।