काठमाडौं । भारतबाट नेपाल भित्र्याइएका प्रतिबन्धित खसी, बोका र राँगा कपिलवस्तुको कृष्णनगर भन्सार कार्यालयले बरामद गरेको छ ।

प्रतिबन्धित खसी, बोका र राँगा भित्र्याइरहेको सूचनाको आधारमा भन्सार कार्यालयले दुई साताको अवधिमा २१५ वटा खसी र ८१ वटा राँगा बरामद गरेको हो ।

तस्करहरुले नेपालीहरुको चाडपर्वलाई लक्षित गर्दै छोटी नाका भएर भारतबाट प्रतिबन्धित खसी, बोका, राँगा लगायतका पशुचौपायाहरु नेपाल भित्र्याउने गरेको सूचनाको आधारमा भन्सार नाकाहरुमा कडाइ गरिएको जनाइएको छ ।

अघिल्लो साता ७० वटा खसी र ८१ वटा राँगा बरामद गरिएको थियो । शुक्रबार ट्रकमार्फत नेपाल भित्र्याइएको १४५ वटा खसी बरामद भन्सार कार्यालयले जनाएको छ ।