झापा । झापाका विभिन्न स्थानमा भारी वर्षा मापन गरिएको छ ।

जिल्लाको शनिश्चरे, चन्द्रगढी, केचना तथा इलाम र झापाको सीमा आसपास केही स्थानमा गएरातिदेखि अति भारी वर्षा भएको हो ।

बाढी पूर्वानुमान महाशाखाका अनुसार मेची, विरिङ, निन्दा, अदुवाखोलालगायत साना खोलामा बाढीको जोखिम बढेको छ ।

तटीय क्षेत्र र डुबान भइरहने होचा भूभागमा आज दिउँसोसम्म उच्च सतर्कता अपनाउन विभागले अनुरोध गरेको छ ।