दाङ । महिलामाथि बलात्कार गरेको आरोपमा तुलसीपुरबाट दुईजना पक्राउ परेका छन् ।

पक्राउ पर्नेमा तुलसीपुर उपहानगरपालिका ४ घर भई वडा नम्बर ६ मा कोठा भाडामा बस्ने १९ वर्षीय प्रदीप बिक र किरण राना रहेका छन् ।

उनीहरुले सोही घरमा बस्ने महिलालाई बलात्कार गरेको उजुरीका आधारमा पक्राउ गरेको ईलाका प्रहरी कार्यालय तुलसीपुरले जनाएको छ ।

साउन ४ गते राति साढे ११ बजे महिलालाई बलात्कार गरी रानाको रा ६ प ५४०८ नम्बरको मोटरसाइकलमा फरार भएका विकलाई मंगलबार दिउँसो तुलसीपुरबाटै पक्राउ गरिएको हो ।

रानालाई भने आइतबार घरबाटै पक्राउ परेका थिए । उनीहरुलाई थुनामा राखेर थप अनुसन्धान भइरहेको प्रहरीले जनाएको छ ।