काठमाडौं । संसदको महिला तथा सामाजिक समितिले हज यात्राका क्रममा भएको आर्थिक अनियमितता छानबनि गर्न अख्तियार दुरुपयोग अनुसन्धान आयोगलाई निर्देशन दिएको छ ।

सोमबार मुस्लिम आयोगका पदाधिकारीहरुसँगको छलफलपछि समितिले विषयप्रति गम्भीर्यता देखाउँदै आयोगको ध्यानाकर्षण गराएको हो । नेपालबाट प्रत्येयक वर्ष मुस्लिम समुदायको पवित्र धार्मिक स्थल साउदी अरेबियाको कक्का मदिना जाने चलन छ ।

सरकारी खर्चमा पठाइने तीर्थ यात्रीलाई सरकारले गृहमन्त्रालयमार्फत हर्ज समितिलाई रकम उपलब्ध गराउने गरेको छ। त्यहाँ अनियमितता भएको भन्दै प्रत्येक वर्ष विभिन्न निकायमा उजुरी पर्ने गरेका छन् । मुस्लिम आयोगले प्रभावकारी रुपमा काम गर्न नसकेको ठहर गर्दै समितिले अख्तियारको ध्यानाकर्षण गराएको हो ।

‘हजयात्रा व्यवस्थापनका सम्बन्धमा भएको खर्च लगायतको विषयमा भएको भनिएको अनियमिततामाथि अनुसन्धान गरि निष्कर्षमा पुग्न समितिको यो बैठक अख्तियार दुरुपयोग अनुसन्धान आयोगलाई निर्देश गर्दछ’, समितिको निर्णय छ ।

यसैगरी, समितिले हजयात्रा व्यवस्थापनमा मुस्लिम आयोगको नेतृत्वदायी भूमिका नहुनुको कारण जानकारी गराउन मुस्लिम आयोगलाई निर्देश गरेको छ ।