काठमाडौं । आर्सनलले सिजनपूर्वको मैत्रीपूर्ण खेलमा इंग्लिस प्रिमियर लिगको प्रतिद्वन्द्वी चेल्सीलाई ४–० ले हराएको छ ।

आइतबार बिहान आर्सनलले १५औँ मिनेटमा गाब्रियल जिससको गोलबाट अग्रता लिएको थियो ।

जिससलाई आर्सनलले यसै सिजन प्रिमियर लिगकै अर्को क्लब म्यानचेस्टर सिटीबाट अनुबन्ध गरेको थियो । ३६औँ मिनेटमा मार्टिन ओडेगार्डले आर्सनलको अग्रता दोब्बर बनाए ।

६६औँ मिनेटमा बुकायो साकाले तेस्रो गोल गरे । इन्ज्युरी समयमा अल्बर्ट साम्बी लोकोन्गाले चौथो गोल थपेका थिए ।

सिजनपूर्वको मैत्रीपूर्ण खेलमा आर्सनलले कुनै खेल हारेको छैन ।