डोटी । डिउटीमा खटिएका प्रहरी हवल्दार बिरामी भएपछि हेलिकप्टरमार्फत उद्वार गरिएको छ ।

डोटीको सायल गाउँपालिकामा रहको प्रहरी चौकी डौडमा कार्यरत प्रहरी हवल्दार गगन सिंह धामी बिरामी भएपछि बिहीबार नेपाली सेनाको हेलिकप्टरमार्फत उद्वार गरिएको हो ।

सोहि गाउँपालिका वडा नम्बर २ सिर्मा बस्ती जोखिममा रहेको जानकारी पाएपछि गाउँपालिका अध्यक्ष धर्मराज जोशीसँग करिब तीन घण्टाको पैदल हिडेर धामी बस्ती अनुगमनमा गएका थिए ।

सोही क्रममा हवल्दार धामीले एक्कासी छातीको बिच भागमा दुख्यो भनि बान्ता समेत गरेर अस्वस्थ भएका कारण सेनाको हेलिकप्टरमार्फत उद्वार गरि नेपालगञ्ज लगिएको जिल्ला प्रहरी कार्यालय डोटीले जनाएको छ ।