काठमाडौं । चीनमा आयोजना हुने १९औँ संस्करणको एसियाली खेलकुद एसियन गेम्स को नयाँ मिति घोषणा भएको छ।

ओलम्पिक काउन्सिल अफ एसियाले एसियन गेम्स २०२३ को २३ सेप्टेम्बर देखि ८ अक्टोबरसम्म आयोजना गर्ने निर्णय गरेको हो ।

यसअघि हाङझावमा यही वर्षको सेप्टेम्बर १० देखि २५ सम्म हुने तय भएको प्रतियोगिता कोरोना महामारीका कारण स्थगित भएको थियो ।

नेपालले एसियन गेम्सका २३ खेलमा सहभागिता जनाउने निर्णय गरिसकेको छ ।