काठमाडाैँ । किशोरी बलात्कार गरी फरार एक शिक्षक पक्राउ परेका छन्। मानसिक सन्तुलन गुमाएकी दुर्गाथली गाउँपालिका–४ की ती किशोरीमाथि जबरजस्तीकरणी गरी गर्भवती बनाएको आरोपमा बसन्त ओली पक्राउ परेका हुन् । सोमबार राती आफ्नै घरमा लुकेको अवस्थामा उनी पक्राउ परेका हुन्।

प्रहरीले ४ महिनापछि मात्रै शिक्षक ओली पक्राउ गर्न सफल भएकाे हाे। गएको १२ फागुनमा पीडित किशोरीले जिल्ला प्रहरी कार्यालयमा जाहेरी दिएकै दिनदेखि उनी फरार रहेका थिए । अर्का आरोपित शिक्षक शिवराज जोशी भने अझै पक्राउ परेका छैनन् ।

यता पीडित किशोरीले बच्चा जन्माएको १ महिना बित्नै लागेको छ । उनले जन्माएको बच्चा स्वस्थ रहेको र उनलाई महिला अधिकार मञ्चको सेफ हाउसमा राखिएको छ । अर्का आरोपित शिक्षक शिवराज जोशीको पनि खोजी जारी रहेको प्रहरीले जनाएको छ ।