कञ्चनपुर । कञ्चनपुरमा एक महिलामाथि लुटपाट गरिएको छ ।

जिल्लाको भीमदत्त नगरपालिका–४ गोबरैयामा बुधबार दिउँसो स्थानीय गिता चन्दको घरमा चार जनाको अज्ञात समूहले लुटपाट गरेको हो ।

जिल्ला प्रहरी कार्यालय कञ्चनपुरका अनुसार चन्दका हातखुट्टा बाँधेर घरबाट एक लाख नगदसहित सुनका गरगहना लुटिएको हो ।

लुटपाटमा संलग्न व्यक्ति भारतीय नागरिक भएको आशंका गरिएको छ । उनीहरुको खोजी भइरहेको कञ्चनपुर प्रहरीले जनाएको छ ।