एजेन्सी । अभिनेता सुशान्त सिंह राजपुतको निधनको मामिलामा नार्कोटिक्स कन्ट्रोल ब्युरोले अभिनेत्री रिया चक्रवर्ती, उनका भाइ शैविक चक्रवर्ती र अन्य व्यक्तिलाई पनि आरोपी तुल्याएको छ ।

भारतीय सञ्चारमाध्यमका अनुसार एनसीबीले यी आरोपीविरुद्ध विशेष अदालतमा ड्राफ्ट चार्ज दायर गरेको छ । आज बुधवार सुशान्तसँग जोडिएको लागुऔषधको विषयमा एनसीबीले ३५ आरोपीविरुद्ध अदालतमा उजुरी दायर गरेको छ।

उनीहरुमाथि सुशान्तको लागि ड्रग्स खरिद गर्ने आरोप लागेको छ । रिया र उनका भाइ शैविकले पनि लागूऔषधको प्रयोग गरेका थिए । यी दुईले नै सुशान्तको लागि ड्रग्स खरिद गरेका थिए ।

यस मामिलामा आगामी अदालती सुनुवाइ १२ जुलाईमा हुनेछ । १४ जुन २०२० मा सुशान्त मुम्बईस्थित अपार्टमेन्टमा मृत भेटिएका थिए ।