एजेन्सी । जापानी पूर्वप्रधानमन्त्री सिन्जो आबेलाई गोली हानी हत्या गर्नेको घरमा प्रहरीले छापा मारेको छ । प्रहरीले उक्त आक्रमणकारीको घरमा छापा मार्दा विस्फोटक पदार्थ फेला पारेको बताइएको छ ।

प्रत्यक्षदर्शीहरूका अनुसार उनीहरूले एक व्यक्तिलाई ठूलो बन्दुक बोकेर आबेलाई पछाडिबाट दुईवटा गोली हानेको देखेका थिए ।

त्यहाँ सिन्जो आबेको सुरक्षामा प्रहरीको टोली उपस्थित थियो। त्यसका बावजुद बन्दुकधारी आबेको नजिक पुग्न सफल भएका थिए ।

जापानको दक्षिणी सहर नारामा भाषण दिने क्रममा उनलाई गोली लागेको थियो । उनको बिहीबार उपचारको क्रममा मृत्यु भएको थियो । आबेको घाँटीमा दुई गोली लागेको थियो ।