काठमाडौं । काठमाडौं उपत्यकामा थप चार जनामा हैजा भेटिएको छ ।

स्वास्थ्य तथा जनसंख्या मन्त्रालयको इपिडिमियोलोजी तथा रोग नियन्त्रण महाशाखा निर्देशक डा चुमनलाल दासले थप चारमा हैजाका बिरामी भेटिएको जानकारी दिए ।

थप चार जनामा हैजा भेटिएसँगै अहिलेसम्म हैजाप्रभावितको संख्या २७ पुगेको छ।

उनका अनुसार कागेश्वरी मनहरा–६ का तीन र ललितपुर महानगरपालिकाको हरिसिद्धिका एक जनामा हैजा देखिएको छ।