प्युठान । प्युठानको ऐरावती गाउँपालिका–६ बिजुलीकोटमा चट्याङ लागेर दुई बालकको मृत्यु भएको छ ।

चट्याङ लागेर घाइते भएका स्थानीय ७ वर्षका रोमन परियार र १२ वर्षका किरण परियारको उपचारका क्रममा मृत्यु भएको हो ।

जिल्ला प्रहरी कार्यालय प्युठानका अनुसार उनीहरुलाई उपचारका लागि जिल्ला अस्पताल बिजुवार लगिएको थियो ।

यस्तै चट्याङ लागेर ऐरावती गाउँपालिका–६ का ५ जना र वडा नम्बर–१ दाङवाङ्गका ४ जना गरी ९ जना घाइते भएको प्रहरीले जनाएको छ ।

घाइते सबैको जिल्ला अस्पताल बिजुवारमा उपचार भइरहेको प्रहरीले जनाएको छ ।