काठमाडौं । नेकपा एमालेका अध्यक्ष केपी शर्मा ओलीले सत्तारुढ गठबन्धन यो देशकै लागि अभिशाप भएको बताएका छन् ।

प्रतिनिधिसभा बैठकमा विशेष समय लिएर बोल्दै प्रतिपक्षी दलका नेतासमेत रहेका ओलीले गठबन्धन टिकाउनबाहेक सरकारले अर्को कुनै काम गर्न नसकेको टिप्पणी गरेका हुन् ।

राजनीतिक, राष्ट्रियता र अर्थतन्त्रका हिसाबले देशका लागि यो गठबन्धन अभिशाप भएको ओलीले बताए ।

देशका लागि गर्नुपर्ने अठोट, संकल्प सरकारसँग केही नभएको ओलीले बताए ।