पोखरा । म्याग्दीमा एम्बुलेन्स कालीगण्डकी नदीमा खसेको छ। मुस्ताङदेखि सुत्केरी लिन पोखरातर्फ अाउने क्रममा एम्बुलेन्स कालीगण्डकी नदीमा खसेको हाे ।

१ झ ३११ नम्बरको एम्बुलेन्स म्याग्दीको रघुगंगा गाउँपालिका–२ रिठाबोट भन्ने ठाउँमा बेनी जोमसोम सडकबाट एक सय मिटर तल कालीगण्डकीमा खसेको हो ।

मुस्ताङको थासाङ गाउँपालिकाबाट पोखरातर्फ आएको एम्बुलेन्सको अवशेष कालीगण्डकीमा देखिए पनि चालक भने बेपत्ता छन् ।

जिल्ला प्रहरी कार्यालय म्याग्दीका प्रहरी नायक उपरीक्षक डीएसपी किरणजंग कुवँरले एम्बुलेन्स चालक थासाङ गाउँपालिका–४ का सुजन बिक बेपत्ता भएको जानकारी दिए ।