काठमाडौं । जिल्ला प्रहरी कार्यालय दाङले मोटरसाइकल चोरी गर्ने गिरोहका ९ जनालाई पक्राउ गरेको छ । चोरी गरिएका मोटरसाइकलसहित पक्राउ परेका उनीहरूलाई प्रहरीले सार्वजनिक गरेको हो ।

उनीहरुले बुटवलबाट मोटरसाइकल चोरेर ल्याइ दाङमा बिक्रि गर्ने गरेको खुलासा भएको छ । पक्राउ पर्नेमा गढवा गाउँपालिका ६ का १७ बर्षीय आनन्द परियार, सोही ठाउँका क्रम वस्नेत, कानन लम्साल, नसिव अहमत, शिवम यादव र वरुण कुमाल रहेका छन् ।

यस्तै लमही नगरपालिका ५ का वसियम अलिखान, अनिल सिंह ठकुरी र लक्ष्मण विष्टलाई पक्राउ गरिएको जिल्ला प्रहरी कार्यालय दाङले जनाएको छ । दाङका प्रहरी प्रमुख एसपि सुरेश काफ्लेको निर्देशनमा मोटरसाकल चोरी गरेर बिक्रि गर्ने गिरोहलाई प्रहरी समात्न सफल भएको हो ।

प्रहरीले ११ जनालाई पक्राउ गरे पनि ९ जनालाई मात्रै सार्वजनिक गरेको गरिएको बताइएको छ । उनीहरुमाथि थप अनुसन्धान कार्य भइरहेको प्रहरीले जनाएको छ ।