काठमाडौं । सिन्धुपाल्चोकको मेलम्ची नदीको जलाधार क्षेत्रमा भारी वर्षा भइरहेको बाढी पूर्वानुमा महाशाखाले जनाएको छ ।

महाशाखाका अनुसार गुम्थाङ, धाप, नकोटेलगायत स्थानमा भारी वर्षा मापन भएको हो ।

मेलम्ची नदी नकोटेको बाढीमापन केन्द्रमा जलसतह हिजो साँझ भन्दा १.५ मिटरले बढेको महाशाखाले जनाएको छ ।

यस्तै, धापमा ४३.४ र गुम्थाङमा ४२.२ मिलिमिटर वर्षा मापन भएको महाशाखाको भनाई छ ।

महाशाखाले मेलम्चीको तटीय क्षेत्रमा आकस्मिक बाढी आउनुका साथै कमजोर भिरालो जमिनमा पहिरोको जोखिम रहेको बताएको छ।

यस्तै, उता झापाको शनिश्चरे, चन्द्रगढी लगायत क्षेत्रमा पनि भारी वर्षा भइरहेको महाशाखाले जनाएको छ।