दाङ । बाँकेमा शंकास्पद वस्तुसहित एउटा भारतीय कन्टेनर प्रहरीले नियन्त्रणमा लिएको छ । नेपालबाट भारततर्फ जान लागेको कन्टेनरमा अवैध वस्तु भएको गोप्य सूचनाका आधारमा ईलाका प्रहरी कार्यालय जमुनाहले कन्टेनर नियन्त्रणमा लिएको हो ।

प्रहरीका अनुसार कन्टेनर खाली देखिए पनि अगाडिको भागमा वेल्डिङ गरेर २५० वटा बोरामा सेतो गेडा भएको वस्तु लुकाइएको अवस्थामा फेला परेको प्रहरीले जनाएको छ ।

अफिमको बीउ हो वा केकमा राखिने वस्तु हो भन्नेबारे परीक्षणपछि मात्रै भन्न सकिने प्रहरीले जनाएको छ । नियन्त्रणमा लिएको कन्टेनरका चालक र सहचालक भने फरार छन् ।

बाँके प्रहरीले कन्टेनर र त्यसमा भेटिएको २५० बोरा ह्वाइट पप्पी सीड भन्सार कार्यालय नेपालगञ्जमा पठाएको प्रहरीले जनाएको छ ।