एजेन्सी । भारतको महाराष्ट्रको मुख्यमन्त्रीमा शिवसेना विद्रोही समूहका नेता एकनाथ शिन्देले शपथ लिएका छन् ।

महाराष्ट्रमा राजनीतिक सङ्कटका बीच बुधवार राति उद्धव ठाकरेले राजीनामा दिएपछि नयाँ मुख्यमन्त्रीमा एकनाथ शिन्देले शपथ लिएका हुन् ।

यसका साथै पूर्वमुख्यमन्त्री देवेन्द्र फडणवीसले उपमुख्यमन्त्री पदको शपथ लिएका छन् । यद्यपि यसअघि फडणवीसले आफू सरकारमा सहभागी नहुने बताएका थिए । तर अन्तिममा उनले राजभवनमा पुगेर शपथ लिएका हुन् ।

यसैबीच फडणवीसले आफ्नो ट्विटर ह्यान्डलमा प्रामाणिक कार्यकर्ताको नाताले पार्टीको आदेश पालना गरेको उल्लेख गरेका छन् ।