काठमाडौं । दक्षिण कोरियामा १३ जना नेपाली पक्राउ परेका छन् ।

अवैध रुपमा काम गरिरहेका उनीहरुलाई पक्राउ गरिएको हो । उनीहरुले दक्षिण कोरियाको अध्यागमन ऐन उल्लंघन गरेको आरोप छ ।

सुवन अध्यागमन कार्यालयका अनुसार पक्राउ परेका नेपालीहरुको नाम ठेगाना भने खुलेको छैन । ती सबै नेपालीहरुलाई नेपाल फर्काउने योजना बनाइएको अध्यागमन कार्यालयले जनाएको छ ।

नौ जना बसाइँ अवधि सकिएपछि पनि दक्षिण कोरिया नछाडेका कारण पक्राउ परेका हुन् ।

भने चार जना नेपालीहरु कृषि तथा माछा पालन मौसमी काम (इ–८) को रुपमा प्रवेश गरी ठेक्का अवधि नपुग्दै गैरकानुनी रुपमा अर्को ठाउँमा काम गरिरहेको बेला पक्राउ परेका छन् ।